Како се лажираат бројките? Како се манипулира јавноста? Како регулативата е поставена на начин на кој ги заштитува здравствените власти и работници? Кои се здружените играчи? И како сето ова обезбедува „епидемија на морбили“ по нарачка и со која цел, може да се научи од следниот текст кој целосно е документиран со линкови до официјални страници – случајот на Украина. Се чини дека во многу делови ќе ја препознаеме моменталната состојба во Македонија.
Дали знаејќи ги овие информации можеме да очекуваме дека Министерот за здравство ќе го објави генотипот на вирусот на морбили?
Епидемија Со Повеќе Од 12.000 Случаи На Заболени Со Морбили Во Украина Е Причинета Од Кампањата За Вакцинација?!
Во последните години имаше недостаток на вакцини против морбили во Украина. Стапката на вакцинација падна на 31% во 2016 година и беше најниска стапка во Европа. Сепак, едвај имаше по некој случај заболен од морбили. Во 2017 година доволно вакцини беа достапни за претстојната кампања и 90% од децата во Украина ја примија вакцината МРП. Од тогаш има експлозија на случаи заболени од морбили. Бројката е веќе поголема од 12.000! Зошто медиумите ја игнорираат оваа епидемија на морбили во Украина? И што навистина се случува?
Зошто нема бројки за 2017?
Светската здравствена организација (СЗО) води евиденција за стапките на заболување и смрт во секоја држава во светот, за сите (инфективни) болести. На 4.5.2018 година СЗО ја објави следната страница на нивниот веб- портал во однос на состојбата на морбили во Украина.
„УКРАИНА ЈА ОБНОВУВА СТАПКАТА НА ВАКЦИНИРАНОСТ ВО ГИГАНТСКИОТ НАПОР ДА СЕ СООЧИ СО ЕПИДЕМИЈАТА НА МОРБИЛИ ВО КОЈА ЗАБОЛЕА ПРЕКУ 12.000 ЛУЃЕ ОВАА ГОДИНА“.
Оваа година, преку 12.000 луѓе беа инфицирани до сега со вирусот на морбили во Украина. Од заболените, 9.158 луѓе побарале хоспитализација, а 9 починале согласно информацијата обезбедена од националните здравствени органи од 27.4.2018 година. Беа преземени значителни мерки како одговор на епидемијата од почетокот на 2017 година со цел да се спречи натамошно ширење на болеста и да се обнови високата стапка на имунизација.
Во 2008 година, 95% од здравите деца во Украина на време ја примија втората (и последна) препорачана доза од МРП вакцината, согласно националниот распоред за вакцини. До 2016 година, оваа стапка на вакцинираност се намали на 31%, најниска покриеност меѓу земјите каде е присутна СЗО во Европа и една од најниските во светот.“
Од Јули 2017 година, национална работна група задолжена за заштита од морбили, вклучувајќи го и Министерството за здравство, клучните институции и партнери како што е СЗО и Фондот на децата на Обединетите Нации (УНИЦЕФ), работеа да го вакцинираат секое здраво дете кое ќе ја постигне соодветната возраст за МРП вакцинација согласно националната табела за имунизација.
До крајот на 2017 година, покриеноста од рутинската вакцинација значително се подобри споредено со претходната година: 93% од децата кои наполниле 1 година ја примиле првата доза од МРП вакцината на време во 2017 и 91% од децата кои наполниле 6 години ја примиле втората доза како што беше препорачано. Бројките од Јануари и Февруари укажуваат дека земјата е на пат да достигне најмалку 95% покриеност со двете дози на МРП вакцината до крајот на годината.” [1]
Едноставно може да се заклучи дека намалената стапка на вакцинација (од 95% во 2008 на 31% во 2016 година) е причина за гигантската епидемија на морбили во Украина!!! Но, СЗО ја превртува реалноста на мудар начин.
Следната информација е извадок од извештајот на СЗО – „Глобално ажурирање за морбилите и рубеолата 2018”
Во 2016 година – во која имаше стапка на вакцинација од 31% – имало само 90 „потврдени случаи“, т.е. 90 случаи на морбили потврдени од лабораторија. Имаше ниска стапка на вакцинација, но сепак немаше епидемија. Ова истото важи и за трите години кои претходат на 2016, кога имало во просек по 50 случаи годишно [2].
Повеќе вакцини, повеќе морбили
Од јули 2017 година, „работната група“ (СЗО, УНИЦЕФ и Министерството за јавно здравје) започнаа да ја зголемуваат стапката на покриеност со вакцини. Веднаш потоа после јули 2017 година, бројот на случаи заболени од морбили почнува да се зголемува [3]. Следниот графикон го прикажува месечниот број на заболени од морбили за месеците од март 2016 година до април 2018 година. Црвената боја се однесува на потврдените случаи од лабораторија, а зелената боја се однесува на клинички дијагностицираните.
Паѓа во очи тоа што црвените столбови (случаи кои се лабораториски потврдени како див вирус на морбили) се зголемува побавно од зелените столбови (случаи кои се клинички дијагностицирани од доктор). Ве молам подолу прочитајте што Центарот за контрола и превенција на болести (CDC) и „Nederlands Tijdschrift der Geneeskunde“ (Холандското медицинско списание) имаат да кажат за ова последното.
Критериуми за дијагностицирање на морбили, дефинирани од официјални списанија на Европската Унија
Критериумот за „клинички“ и „лабораториски“ дијагнози се дефинирани од страна на „Официјалното списание на Европската Унија“, како што следува:
Клинички критериум: Секоја индивидуа со висока температура и макуло- папуларно црвенило и најмалку едно од следните три: кашлица, Coryza (настинка), конјуктивитис (црвени очи).
Лабораториски критериум: Најмалку едно од следните четири:
- Изолација на вирусот на морбили од клиничкиот примерок;
- Детекција на нуклеидна киселина на вирусот на морбили во клиничкиот примерок;
- Антитела специфични за вирусот на морбили кои се карактеристични за акутни инфекции во серумот или плунката;
- Детекција на антигени на вирусот на морбили од DFA во клиничкиот примерок со користење на моноклони антитела карактеристични за морбилите.
Лабораториските резултати треба да бидат интерпретирани според вакциналниот статус. Доколку се работи за случај кој е непосредно вакциниран, треба да се испитува постоење на дивиот вирус. [4]
Лабараториските критериуми се значително детални при дијагнозата, споредено со клиничките критериуми
Можно ли е дванаесет- те илјади случаи на морбили во Украина, објавени од СЗО, да се претерани? Поголемиот дел од столбовите на крајниот десен дел на графиконот кои се однесуваат на 2018 година се зелени, и следствено тие пријавени случаи на морбили не биле лабораториски потврдени.
Уште полошо, дали е можно дека овие се главно погрешно дијагностицирани клинички случаи на морбили од вакцинален сој кои се случиле после примање на МРП вакцината? Ова прашање е логично бидејќи графиконот покажува дека во 2016 година, помалку деца биле вакцинирани и дека тогаш имало помалку случаи на пријавени морбили; во 2017 година, повеќе деца ја примиле МРП вакцината и тогаш имало повеќе пријавени случаи на морбили; во 2018 година, уште повеќе деца ја примиле МРП вакцината и имало уште повеќе случаи на пријавени морбили, од кои најголем број случаи биле клинички потврдени од доктори, а не лабораториски потврдени.
Дали е див вирус на морбили или е од вакцинален сој?
Холандското медицинско списание објавено во 2017 година, тврди:
„Во рок од 14 дена после МРП вакцинација, пациентот може да развие болест која е споредлива со дивиот сој на вирусот на морбили. Стапката на заболување со дивиот сој на морбили е мала, па кога ова ќе се случи- поверојатно е дека тоа е одговор на вакцинацијата. Дополнително истражување може да ги вознемири родителите и затоа зборови кои смируваат се посоодветни.” [5]
Веб страницата на Американскиот центар за контрола и превенција на болести (CDC) ги содржи следните информации:
„Генотипизирањето на вирусот на морбили може да има значителна улога при следење на начинот на пренесување при истражување на епидемија. Резултатите од генотипизацијата може да помогнат да се потврди дијагнозата, да се покаже како неточна или да се детектира поврзаност меѓу случаите. Генотипизацијата исто така е единствениот начин со кој може да се разликува дали индивидуата има инфекција од див тип на вирус, или црвенило со чешање причинето од непосредната вакцинација со МРП вакцина. Мал процент на приматели на МРП вакцината искусуваат црвенило со чешање 10 до 14 дена после примањето на вакцината. За време на епидемија, вакцината против морбили се администрира со цел да помогне да се контролира епидемијата и во ваква ситуација, реакцијата од вакцината може погрешно да биде класифицирана како случај на морбили.“ [6]
СЗО ги манипулира бројките и медиумите
Скоро видовме дека бројот на случаи на морбили (12.000+) може да биде доволно голем за да реагираат медиумите. 2.395 случаи на болест во Италија беа вести за насловна страница во 2017 година. „Опасноста од болеста“ беше пренагласена и епидемијата послужи како аргумент за прогласување задолжителна вакцинација со цел „неодговорните родители“ да ги вакцинираат своите деца. [7]
Изјавата од д-р Zsusanna Jakab, регионален директор на СЗО за Европа, земена од прес објавата која исто така се појави на веб страницата на СЗО на почетокот на 2018 година, беше многу пати цитирана од сите големи весници ширум Европа.
„Секоја нова индивидуа во Европа погодена од морбили, нè потсетува дека невакцинираните деца и возрасни, без разлика на тоа каде живеат, остануваат во ризик да заболат и да ја рашират болеста на другите кои можеби не се во можност да се вакцинираат. Преку 20.000 случаи на морбили и 35 загубени животи само во 2017 година, се трагедија која едноставно не може да биде прифатена.“ – д-р Zsusanna Jakab, регионален директор на СЗО за Европа [8]
Но, д-р Zsusanna Jakab, која мисли дека 20.000 случаи низ целата Европа е „трагедија која не може да биде прифатена“, молчи за тоа дека 12.000 случаи се само од Украина. Дали надлежните знаат повеќе од тоа што сакаат да знае јавноста?
Кој беше одговорот на здравствените органи за ненадејната епидемија во Украина?
Бројот на случаи на морбили потврдени од лабораторија е релативно мал. Но, „Украина ја обновува покриеноста со имунизираност во гигантски напори да ја сопре епидемијата на морбили, која погоди повеќе од 12.000 луѓе оваа година“. Не е важно дали кампањата комплетно ја пропушта целта и веројатно причинува повеќе случаи на морбили отколку што превенира бидејќи пријавените случаи може навистина да се вируси од вакцинален сој, а не див сој. Како и да е, нов распоред на вакцини беше воспоставен со цел да се „бори против епидемијата“.
Министерството за здравство на Украина го објави следното:
„На барање на Министерството за здравје (МОН), Фондот на деца на Обединетите Нации (UNICEF) достави нова серија на МРП вакцини. Официјалните претставници на Министерството известуваат за примање на 80.000 дози“. [8]
И Министерот за здравство додаде:
„За доверлива заштита од инфективни болести, нивото на вакцинираност треба да биде поголемо од 95% (Едиторот: Моментално е 93%, но тие 2% ….) – тогаш можеме да зборуваме за колективен имунитет. За прв пат, Украина е целосно екипирана со вакцини – доверливи, безбедни и ефикасни. Ги повикувам родителите да ги вакцинираат децата и докторите да ги охрабрат пациентите“ – Министер за здравство, Dr. Ulana Suprun.
Неразбирливо: Здравствените органи очигледно заборавиле дека во 2006, година во која стапката на вакцинација беше 98%, сепак имаше 42.742 пријавени случаи на морбили! [10, 11]
Бизарното однесување на политичарите и креаторите на политики, манипулацијата на бројките, „селективното“ известување во медиумите и зголемениот притисок да се обврзат родителите да вакцинираат … Не е изненадување што сите овие пренагласени и неконзистентни фактори допринесоа луѓето да ја губат довербата во системот. Ситуација во Украина само додава на тоа што толку многу од нас веќе го знаат.
Автори: Mara Gabriëlle, Daphne Knipping и Door Frankema
12.05.2018 година.
Референци:
2. http://apps.who.int/immunization_monitoring/globalsummary/incidences?c=UKR
4. http://eur-lex.europa.eu/LexUriServ/LexUriServ.do?uri=OJ%3AL%3A2008%3A159%3A0046%3A0090%3AEN%3APDF
5. https://www.ntvg.nl/artikelen/de-mazelen-na-bmr-vaccinatie/reacties
6. https://www.cdc.gov/measles/lab-tools/genetic-analysis.html
7. https://nos.nl/artikel/2174034-italie-verplicht-inentingen-voor-twaalf-besmettelijke-ziekten.html
10. http://apps.who.int/immunization_monitoring/globalsummary/timeseries/tswucoveragemcv2.html
11. http://apps.who.int/immunization_monitoring/globalsummary/timeseries/tsincidencemeasles.html
