Медиумите главно молчат за безбедносните проблеми и недостатокот на транспарентност околу експерименталната вакцина за КОВИД на Модерна, додека заинтересираните страни стануваат сѐ побогати.
По втор пат во една недела, веста за „ветувачка“ вакцина КОВИД-19 ги испрати глобалните берзи во радост и предизвика лавина од позитивни вести кои, во најголем дел, избегнуваа какви било прашања за безбедноста или транспарентноста на вакцините .
Во понеделникот, Модерна објави дека нејзиниот кандидат за КОВИД mRNA-1273 вакцина е ефикасен 94,5%, заснован на привремени податоци за испитувањата во Фаза 3.
Минатата недела Фајзер објави дека анализата на прелиминарните податоци за испитувањата во фаза 3 покажа дека нивната вакцина BNT162b2 COVID, развиена во партнерство со германската компанија BioNTech, е „повеќе од 90% ефективна“.
Двете соопштенија беа во форма на соопштенија за јавноста – ниту една компанија не ги достави вистинските податоци зад нивните тврдења. Иако стапките на ефикасност во деведесеттиот перцентил беа доволни да ги натера Волстрит и повеќето медиуми да се првртуваат, барем еден медиум, СТАТ, истакна што не направија самите компании: И двете испитувања се во тек, а како што продолжуваат, стапките на ефикасност може да се намалат, бидејќи „често пати се случува вакцината да функционира помалку добро во реалниот свет отколку во случај на клиничко испитување“.
СТАТ исто така забележа дека ниту една компанија сè уште не може да каже колку долго вакцината, која се администрира во две дози, ќе обезбеди заштита, бидејќи тоа „може да се утврди само со тек на време и кога голем број луѓе би се вакцинирале“.
Двете компании изјавија дека ќе побараат Овластување за итна употреба (Emergency Use Authorization) од Агенцијата за храна и лекови на САД (FDA) за нивните експериментални вакцини веднаш штом ќе ги исполнат критериумите. Овластување, што им овозможува на производителите на вакцини да ја прескокнат стандардната задолжителна инспекција за безбедност и усогласеност на нивните капацитети за производство на вакцини, што е „winner-takes-all“ награда која ќе се додели исклучиво на првата ковид вакцина одобрена од АХЛ.
Соопштенијата предизвикаа нагло зголемување на цените на акциите на компаниите. Акциите на Модерна се зголемија за скоро 15% во понеделникот. Според СТАТ, „Секој вторник главниот лекар на Модерна станува побогат за околу 1 милион американски долари“ продавајќи од своите залихи на акции само што се покачат и „заработувајќи повеќе од 50 милиони долари од почетокот на пандемијата“.
Вестите на Модерна исто така ги зголемија цените на акциите на компаниите кои имаат корист од повторното отворање на економијата, вклучувајќи авиокомпании, крстаречки бродови и банки.
Минатата недела, извршниот директор на Фајзер, Алберт Бурла „креваше веѓи“ кога продаде 5,6 милиони долари од акциите на Фајзер – истиот ден кога производителот на вакцини го објави своето „90% ефективно“ соопштение. Известувајќи за продажбата, медиумската куќаNPR рече дека тоа е дел од сè поконтроверзниот план за тргување со акции кој „има за цел да ги заштити корпоративните директори од обвинувањата за нелегални планови за внатрешно тргување“. Планот – кој е легален, но не без прашања во врска со злоупотреба – им овозможува на големите акционери да продаваат предодреден број на акции во однапред одредено време и често го користат корпоративните директори за да избегнат обвинувања за внатрешно тргување.
Толку многу пофалби, а толку малку прашања
Во целата медиумска пропаганда околу тоа колку брзо ќе бидат подготвени вакцините на Pfizer и Moderna, колку милијарди дози ќе бидат достапни, кој прв ќе ги добие и како вакцините ќе нѐ вратат сите во „нормалното“ – постои минорно критичко истражување на новостите од гледна точка на безбедност и докажана ефикасност.
Тоа е грешка, според Мери Холанд, генерален советник на Children’s Health Defense.
„Да се замисли дека нелиценцираната КОВИД вакцина на Модерна, тестирана под една година, ќе биде безбедна, е посакувано размислување“, рече Холанд. „Постои причина што производителите на вакцини инсистираат на ослободување од обештетувањето при повреди и смрт“.
Холанд се повикува на фактот дека на креаторите на вакцини, веќе имуни на одговорност при повреди од вакцини според Националниот закон за повреда од вакцини во детството (National Childhood Vaccine Injury Act) од 1986 година, како и фактот дека добија проширена заштита преку Декларација според Законот за јавна подготвеност и подготвеност за итни случаи (ПРЕП) за медицински контрамерки против КОВИД-19, во март.
Всушност, како што истакна Холанд, барем во Европската Унија – официјалните лица очекуваат голем обем на несакани реакции од вакцините, докажано со ова неодамнешно известување од Агенцијата за регулирање на медицински и здравствени производи, која „итно“ бара „Софтверска алатка за обработка на очекуваниот висок број на несакани реакции од КОВИД вакцините … ”
Зошто толку многу тајни?
Безбедноста и транспарентноста на вакцините одат рака под рака, а Модерна добива ниски оценки и кај двете. Компанијата, формирана во 2010 година и ребрендирана во 2016 година, сега, за прв пат произведува комерцијална вакцина. Сепак, Модерна беше во можност да влезе во операцијата Warp Speed, високо таинствено јавно приватно партнерство, во кое доминираат воени лица, од кои повеќето немаат искуство во здравствена заштита или производство на вакцини. Учеството во програмата значи дека даночните обврзници имаат голем дел од сметката за развој на вакцината на Модерна. Како што објави New York Times:
„Владата на Соединетите држави обезбеди 1 милијарда долари поддршка за дизајнирање и тестирање на вакцината на Модерна. Истражувачите од Националниот институт за здравство надгледувале голем дел од истражувањето, вклучително и клиничките испитувања. Модерна, исто така, доби дополнителни 1,5 милијарди долари во замена за 100 милиони дози доколку вакцината се покаже како безбедна и ефикасна“.
Според Public Citizen, Националниот институт за здравство на САД (NIH) поседува 50% удел во вакцината на Moderna – mRNA-1273, што помогна да се развие во рамките на Националниот институт за алергија и заразни болести (NIAID), управуван од д-р Ентони Фаучи. Всушност, како што објави Public Citizen во јуни:
„Модерна значително профитираше од федералната поддршка. Како што опишавме во написот ‘Народната вакцина’, американската влада обезбеди милиони долари на Модерна уште во 2013 година за да помогне во развојот на нејзината технологија за гРНК. Во меѓувреме, NIH развиваше и нови методи за насочување на шилестите (спајк) протеини на корона вирус. Кога се појави новиот корона вирус во Вухан, NIH соработуваше со Модерна за да дизајнира и тестира вакцина. Американскиот Оддел за развој на биомедицинско напредно истражување (Biomedical Advanced Research Development Authority – BARDA) обезбеди на Модерна дополнителни 483 милиони долари за понатамошно развивање на вакцината и производство со поголеми размери“.
И покрај сите пари на даночните обврзници што стојат зад развојот на вакцините од страна на Модерна и другите кои влегле во Operation Warp Speed – недостатокот на транспарентност доминира во програмата и договорите меѓу производителите на лекови и владата на САД.
На пример, во октомври CHD извести за договорот помеѓу NIAID и водечкиот кандидат за вакцини Модерна. Договорот, добиен од новинарката Емили Коп од Congressional Quarterly, со Барање преку Законот за слобода на информации до NIH – беше силно изменет, предизвикувајќи прашања во врска со Фаучи, транспарентноста и судир на интереси. Според друг договор на NIAID, од Пентагон се бара да купи 500 милиони дози ковид вакцина од Модерна за 9 милијарди долари.
Што со безбедноста на брзите адути?
Како и вакцината Фајзер, вакцината на Модерна – mRNA-1273 користи технологија на синтетичка гласник-РНК (mRNA) – вид генетски инженеринг кој никогаш порано не бил користен, а уште помалку докажано безбеден во производството на вакцини.
Сепак, под операцијата Warp Speed, креаторите на вакцини брзаат со оваа непроверена и недокажана технологија за да излезат со рекордно време на пазарот.
Еве како функционира технологијата, според Хоризонт, списание за истражување и иновации во Европската Унија:
„За да се произведе mRNA вакцина, научниците произведуваат синтетичка верзија на mRNA која вирусот ја користи за да ги изгради своите инфективни протеини. Оваа mRNA се доставува во човечкото тело, чии клетки го читаат како упатство за да се изгради тој вирусен протеин и затоа самите создаваат некои од молекулите на вирусот. Овие протеини се осамени, па затоа не се собираат за да формираат вирус. Имунолошкиот систем потоа ги детектира овие вирусни протеини и почнува да произведува одбранбен одговор на нив“.
Бидејќи досега не се користени mRNA вакцини – невозможно е да се предвиди каков вид на долгорочни несакани последици или повреди може да произлезат од нивната употреба.
Тал Брош, раководител на единицата за инфективни болести во болницата Самсон Асута Ашдод, неделава за Jerusalem Post изјави дека вакцините гРНК доаѓаат со „уникатни и непознати ризици“, вклучително и локални и системски инфламаторни одговори што можат да доведат до автоимуни состојби.
Jerusalem Post спомена и статија објавена од Националниот центар за биотехнолошки информации, оддел на NIH, во која се вели дека другите ризици поврзани со гРНК вакцините вклучуваат: био-дистрибуција и постојаност на индуциранa имуногена експресија, можен развој на авто-реактивни антитела и токсични ефекти на сите неприродни нуклеотиди и компоненти на системот за испорака.
Отсутен од новинарските репортажи беше уште еден потенцијален ризик поврзан со вакцината mRNA-1273 на Модерна: Вакцината се потпира на „носечки систем“, базиран на наночестички, кој содржи синтетичка хемикалија наречена полиетилен гликол (PEG). Околу 7 од 10 Американци веќе можат да бидат сензибилизирани на PEG, што може да резултира со намалена ефикасност на вакцината и зголемување на несаканите ефекти.
Тоа не е новост за Модерна. Во изјавата поднесена во 2018 година до Комисијата за хартии од вредност на САД, производителот на лекови им рече на инвеститорите дека употребата на PEG во своите вакцини „може да доведе до значителни несакани настани во едно или повеќе наши клинички испитувања“.
Во јуни 2020 година, CHD извести за приказната за Јан Хајдон, кој беше меѓу 15те волонтери во групата со високи дози при испитувањето на КОВИД вакциниата на Модерна. Во рок од 45 дена, тројца учесници – 20% од волонтерите, вклучувајќи го и Хајдон, доживеале „сериозни“ несакани настани според соопштението за јавноста на Модерна, што значи дека им била потребна хоспитализација или медицинска интервенција. Помалку од 12 часа по вакцинацијата, Хајдон претрпе болки во мускулите, повраќање, треска од 39.5 степени Целзиусови и ја изгуби свеста. Неговиот супервизор во испитувањето на Модерна, му дал инструкции на Хајдон да се јави на Итна помош, а Хајдон се опишал себеси како „најболен во неговиот живот“. Модерна му дозволи на Хајдон, кој беше избран за истражувањето засновано на неговото робустно, „добро здравје“, да верува дека болеста е само тажна случајност која не е поврзана со вакцината. Модерна никогаш не му кажала на Хајдон дека страда од несакан настан.
Во август, CHD испрати писма до д-р Џери Меникоф, директор на Канцеларијата за заштита при истражувања кај човекот, Одделот за здравство и услуги и Фаучи, во неговата улога како директор на NIAID, со детали за загриженоста за употребата на PEG во mRNA-1273 на Модерна вакцината. Во писмото до Меникоф, CHD напиша дека употребата на PEG во лекови и вакцини е сè поконтроверзна поради добро документираната инциденца на несакани имунолошки реакции поврзани со PEG, вклучително и опасна по живот анафилакса. Во писмото до Фаучи, Children’s Health Defence го повика Фаучи да побара од Модерна да ги извести учесниците во клиничкото испитување за уникатните ризици поврзани со PEG во „вакцината mRNA1273, финансирана од NIAID“.
Како што поминуваат седмиците со повеќе новости за идната КОВИД вакцина, можеби повеќе мејнстрим медиуми ќе известат за ризиците и недостатокот на транспарентност околу вакцините, покрај тоа што ќе се фокусираат на потенцијалните придобивки.
